நீதி அமைச்சர் ஹர்ஷன நாணயக்காரவுக்கு எதிராகத் தாக்கல் செய்யப்படவுள்ள நம்பிக்கையில்லாப் பிரேரணையில், எதிர்க்கட்சித் தலைவர் சஜித் பிரேமதாச மற்றும் எதிர்க்கட்சி நாடாளுமன்ற உறுப்பினர்கள் இன்று கையொப்பமிட்டனர்.
நீர்கொழும்பு சிறைச்சாலையில் ஏற்பட்ட அசம்பாவிதத்தின் போது சிறைச்சாலை அதிகாரிகள் மற்றும் கைதிகள் உயிரிழந்த சம்பவத்தைத் தொடர்ந்தே இந்த நடவடிக்கை எடுக்கப்பட்டுள்ளது.
தமது பாதுகாப்பை உறுதிப்படுத்துவதில் அமைச்சர் தமது பொறுப்புகளையும் கடமைகளையும் நிறைவேற்றத் தவறிவிட்டதாக எதிர்க்கட்சி உறுப்பினர்கள் குற்றம் சுமத்தியுள்ளனர்.
சிறைச்சாலை கட்டமைப்பிற்குள் பாதுகாப்பை உறுதிப்படுத்துவதில் ஏற்பட்ட குறைபாடுகளுக்கு அமைச்சரை நேரடியாகப் பொறுப்பாக்குவதே இந்த நம்பிக்கையில்லாப் பிரேரணையின் நோக்கம் என எதிர்க்கட்சியினர் தெரிவித்துள்ளனர்.
